الرئيسية / أخبار العالم / نصيحة من مطلقه …..عن تجربة حقيقية.داليا زردق

نصيحة من مطلقه …..عن تجربة حقيقية.داليا زردق

كتبت/داليا زردق

عن تجربة حقيقية…

نصيحة من مطلقه يمكن أفيد أي حد و أخد ثواب..

بعد عدة زيجات و طلاقات كان لازم أتعلم و يكون عندى خبرة كبيرة جدا رغم أي ألم حصل أو تعب أو لخبطه.

أولا…

اللي لازم أي بنت أو مطلقه أو أرملة تعرفه تماما و تتأكد منه تماما إنتي لو مش سعيدة أو مرتاحه أو حتي عادية في حياتك مفيش رجل في الكون حيكون سبب تغيير أو سعادة لك …..

ليس لعيب بالرجال و لكن لأن السعادة تنبع من داخل الانسان و لا تأتي من الآخرين تماما …

ثانيا…

لو عايزة تتجوزى بسرعه و بتبحثي و مركزة في الموضوع ده جدا فلن تتزوجي إلا خيبة أمل و تجربة فاشله تضاف لتاريخ ذكرياتك و لن تحصلي علي ما تتمني…!!

الأمور دى بتيجي بالهدوء و الصبر و التفكير الطويل و الصفاء النفسي …

أما التركيزو الإصرار علي إيجاد عريس فهو مشروع فاشل تماما فإحذري.👍

ثالثا…

إذا كان الرجل اللي حتتجوزيه صفاته سيئه و سمعته و طريقته و كل ما يرتبط به لا ينبيء بالخير فلن يتغير ذلك بعد الزواج كما تتوهمي!!

بالعكس كل الأشياء السيئه تكبر و تزداد بعد الزواج و ده حيكون مقلب كبير حتقعي فيه.

و سمعة أي رجل لو كانت سيئه حتجيبي وصمة عار لك و لأهلك و اولادك و لن تمحيها الي الأبد بكل أسف… !

لو من الأول مش عاجبك أخلاقه و دينه و كل ما فيه فلا تحاولي الزواج منه ….

العيوب لا تعني أن نلقي بأنفسنا الي التهلكه!

بل تعني أنه لا يوجد شخص كامل لا أنتي و لا هو و لكن في حدود المقبول و الطبيعي فقط …

رابعا…

لا الزواج حلو و لا العزوبية حلوة و لا الطلاق حلو !!

أيوة مفيش حاجة إسمها الوضع الإجتماعي ده حلو
أو وحش !!!

في حاجه إسمها شخصيتك الأول تكون طبيعية و سليمه حتي ترتاحي في أي وضع أيا كان هذا الوضع…

الوضع الإجتماعي لا يمثل السعادة أو التعاسه ..

هو مجرد حالة أي انسان في كل مراحل حياته لا أكثر ولا أقل..

لكنها لا تمت للسعادة أو للتعاسه بشيء ..

خامسا…

اذا كنتي أم …

لا تتزوجي أبدااا أبدااا رجل يحاول إبعادك عن أولادك و إحتكارك لنفسه بحجة أنه سيتحمل نفقاتك و يسعدك و يهنيكي!!

كده حتكوني أم فاشلة و غير جديرة أن تحملي لقب الأمومه..
أولادك إن لم يكونوا أولاد له هو الآخر فهو شخص غير مناسب إطلاقا ..

سادسا …

خبر جميل حيسعدك انتي و أي رجل بيقرا الكلام ده !!

العالم فيه مليارات من البشر و مصر فيها ١٠٠ مليون بني آدم
و حالات الطلاق وصلت الي ٧٠%..!!!

مما يعني أن هناك ملايين من الفرص لكل من الرجال و النساء للزواج من الشخص المناسب .

يعني الحياة مش حتقف علي أي أشخاص حتعرفيهم و يصدموكي و يحسسوكي إن خلاص مفيش حد كويس أو مناسب !!

بالعكس دى كلها تجارب علشان تقدرى قيمة الشخص الحقيقي المناسب حين تلتقيه و تعرفي إن الله كان يهيئك لهذا الانسان …

الإنسان لن يعرف النور أبدا إذا لم يذق الظلام .

الطلاق شيء سيء فقط للأبناء و ربنا يعينهم علي ما أصابهم و لكنه ليس آخر ما بالحياة. .

ما زال أمامنا أعمارنا التي لا نعرف ما تحمله بعد. .

إستمتعوا مهما كانت حياتكم أو ظروفكم…..

عن علي المرسي

شاهد أيضاً

المتألق مراد فكرى يهنئ زميلته المونتيره «هاله محى الدين» على المجهود المبذول فى مونتاج فيلم رزق السينما المشارك فى مهرجان القاهرة السينمائي

كتبت منال عابد محمد سالم شارك الفنان المبدع مراد فكرى جمهوره بصور جديدة له، عبر …

اترك تعليقاً

%d مدونون معجبون بهذه: